"Willkommen im Dreck!"
rms2012 099,hämmer üs dänkt womer am Sunntigmorgä früä dä Turnfeschtplatz z Russikä gseh händ. Di ganz Nacht häts grägnät und s isch immer no dra.. das wird jo än amüsantä Wettkampf :-)

Aber d Begeischterig isch schwär gstigä, wommer üsi Fahnä scho z vorderscht i dä Fahnäburg hangä gseh händ. Do händ dä Fähnrich und sin Assistent no ä Nachtschicht iigleit, guät gmacht Jungs! :-D

 

Gstartät simmer 9:15 mitem erschtä Wettkampfteil wo Pendelstaffetä, Schlüderball und Steistossä beinhaltät hät. Willrms2012 008mer gad chli knapp Lüüt gsi sind isch sogar Kerstin no bidä PS iigsprungä. Bim Schlüüderball simer nöd rächt mit dä Verhältnis zrächt cho, däfür ischs umso schöner gsi bim Steistossä zuäzluägä wiäs bi jedem Stoss d Kampfrichter und Zuäschauer vollgsprützt hät.

Au dä 2. Wettkampfteil mit TeamErotic und Chuglä isch ä wahri Freud gsi. Wär zwüschät 11m und 12.50m gstossä hät, hät mösä zum Bickel griifä um d Chuglä wieder uszgrabä... chli dräckälä isch äbä scho geil, oder? :-)

 

rms2012 026

Mit SSB und Hochsprung hämer denn dä 3. Teil in Aagriff gnoh und sogar d Sunnä isch langsam aber sicher us ihrem Versteck krochä. Viellicht häts drum im Hochsprung Topresultat gäh, trotz äm Aalauf ufem Teer.

Zum Schluss sind vom bösä OT no 5 Chräftigi Mannä zum Steihebä verdonnerät wordä obwohls kei Ussicht uf ä Rangierig gha händ. Wiederwillig sinds denn doch aaträttä, während dä Rescht ufärä super Wiitsprungaalag zeigät hät was üsi Paradedisziplin isch! Und händ denn a dä Rangverkündigung dä Siegerwimpel im Wiitsprung chönä abholä, guät gmacht Fründinnä und Fründä!

Äs super Turnfescht gsi wo Russikä do ufd bei gestellt hät und mer hät s Bescht usem Schlächtä Wätter gmacht.

Ranglischtä mit dä wiiterä Resultat findäder im Downloadbereich und äs paar Fotänä häts au no gäh.

HdOs und bliibäd suuber
Floko

 

 

Am 20. Mai händ d Thurgauer Meischterschaftä im Vereinsturnä in Erlen stattgfundä und ich bin sehr zfridä mit minä Lüüt!TGM2012-046

Liächtathletik: Im Wiitsprung hämer zum X-tä mol üsi Übermacht bewisä und sind näbäd Chuglä Thurgauermeischter wordä. Pändelstaffettä han ich chli verseit wili falsch iiteilt han, do hetämer sicher meh chönä usäholä (nöchst mol machis besser :-)).
Im Steistossä häts no Einzelmeischterschaft gäh, wo d Ramona, dä Urs und Priska is Final cho sind. D Prisi hät sich dä TGM Titel denn gschnappät und d Ramona hät dä 2. Platz umän cm verpasst!

TeamAerobic: Nochämä chlinä Tüüfschlag am GymCup z Elgg händs im schönä Wätter und mitämä strahländä Fähnrich im Hintergrund äs 8.08 ergumpät.

Alli Resultat chönder i dä Ranglischtä aaluägä. Im Schlüderball simmer übrigens 3. wordä will bim erschtä irgendöppis falsch gloffä isch. D Ranglischtä stimmt zwor nöd aber dä Späck hämer übercho :D


Üsäs Stufäbarräprogram isch adä TGM nöd zum Iisatz cho, sie händ ihrä erscht Uftritt am 14. Mai am MunotCup gha, wo au am Fähnrich sini wiisä Händschli serscht mol richtig zur Schau gführt wordä sind. Üsi Frauä händ äs 8.28 erturnt, womi sehr zuäversichtlich ufd Wettkampfsaison luägä loot.

Mit denä Resultat freu ich mich scho ufd RMS, mol luägä öbmer bi dä Zürcher Gägner findäd :-D

Gruäss und HdOs
Floko

 

Bilder vo dä TGM häts i dä Bildergalerie und au äs paar wenigi vom Munotcup (vielicht häts neumät no meh umä?).

Unterkategorien